ICONIC H 特色熱狗店 (已搬遷) 新店位置

因為要去睇演唱會，所以就黎到紅磡區覓食喇。之前睇電視介紹過呢間熱狗店，今日有機會就去試下啦~間舖唔難搵，但店面好細，好容易就會行過左。店面得5個位，好細，大概只可同時容納10個人同時堂食同落單。呢度除左有regular嘅熱狗之外，仲會有限定嘅熱狗，今次去就有和牛同松葉蟹腳，不過就會貴啲。今日點左芝肉牛，配薯條同汽水。個熱狗有牛仔腸，熱溶芝士同肉醬，因為即叫即整，所以都要等15分鐘左右。個熱狗都幾大份，女仔黎講可能會食唔哂。因為餡料好多，所以食落會好飽。條腸好好食，皮脆，熱溶芝士要快食，不過凍左食都ok, 肉醬都好味。薯條就正正常常咁。呢set埋單$60,一啲都唔貴。下次如果再黎紅磡，都會試下其他熱狗。