權記雲吞麵

北角一向美食多多， 今日小跳豆媽趁小跳豆返學， 去咗附近一間小店食雲吞麵。 小跳豆媽由細到大都鍾意食雲吞麵， 貪佢又平又好味。 想當年我讀書時期嗰陣，仲食緊$14雲吞麵， 不過隔咗咁耐 ，有通脹等因素 ，$14 雲吞麵就好難見到啦。 但係今日都畀我搵到$20碗雲吞麵。 餐廳位於 渣華道體育館斜對面， 細細間， 舊式裝修， 勝在夠經濟實惠。 雲吞麵入面有四粒雲吞，好足料，都算唔錯。 一路食仲一路見到啲員工喺度親手包緊雲吞。 我亦都見到有啲熟客同啲員工有傾有講，好有街坊人情味嘅感覺。 大家有興趣就去支持下啦， 始終香港小店愈來愈少。

1