Steam Cafe (已結業)

大部分同事WFH , 我就辛苦命繼續工作。一條友去搵食，星期五就食好少少啦 如果由上環港鉄行去 steam cafe 都幾遠，這間cafe 夾在上環和西營盤之間。2:00 後一個客人都冇，不過都好既，可以食得安心啲。午餐有七款選擇，我對鷄的確係有情義結，點了No.6 黑松露鷄肉飯 $65上枱先知係意大利飯，my favourite !心心眼即刻加分。雞肉煎香後再切細粒，而且加入少量薑片，蒜香突出。意大利飯煮成軟軟的口感，忌廉汁將意大利飯狠狠地包圍著，加上黑松露的芳香，超好味。份量都幾大，我食左一半多啲就投降，一於打包今晚再吃過。套餐送一般的美式咖啡，檸檬茶等。加$25 有杯精品咖啡，我一定唔會錯過Cappuccino 湯碗咁大，加上一個簡單的心形拉花，是令人窩心的。咖啡偏 nutty ，啡香不會太濃太苦；奶泡挺且滑，整體來說是一杯合格的咖啡。