多毛 (已結業)

多毛呢一間餐廳個名咁搞笑，其實係名副其實！因為佢係一間貓貓Cafe🐱有貓貓嘅地方梗係多毛啦(*´ω｀*)今次同朋友嚟到呢間貓貓Cafe，開開心心食下野同貓貓玩吓，咁就渡過咗一個開心快樂嘅下午(・∀・)主食我就揀咗呢個好吸引嘅<炙燒原條鰻魚炒滑蛋漢堡配炸薯角>，送到嚟真係哇一聲，估唔到咁大份！超級大條嘅原條鰻魚好吸引，滑蛋都非常之嫩，仲要配埋香脆嘅炸薯角！超有滿足感呀🩷朋友最近實行緊素食，佢就叫咗呢個黑松露醬野菌忌廉汁意粉。雖然係素食，但係估唔到味道都唔錯，因為黑松露醬真係好濃郁，整體個醬汁令到意粉好Creamy。