韓閣 (富裕樓) (已結業)

真正由細食到大嘅荃灣韓式餐廳，咁多年水準都保持到水平，而且間唔中就會有新菜色，所以我定期都會嚟開餐。韓閣歡樂盤由三重芝士、味飯、牛油滑蛋、韓式前菜、炒年糕同埋一種自選肉類組成，而我就揀咗泡菜五花腩，鐵板炒年糕同五花腩撈埋邪惡嘅三重芝士一齊後香氣撲鼻而來，惹味程度大幅提升，非常適合拌飯一齊食，鐵板邊嘅牛油滑蛋味道亦十分香滑濃郁。傳統豬肉泡菜湯每次嚟到韓閣都會叫一個豬肉泡菜湯，原因係佢哋嘅泡菜湯非常足料，成鍋都係滿滿嘅豬肉同泡菜，味道香濃惹味帶少少辣，食得好過癮。