韓屋

营业中

休息中

呢間距離地鐵站都幾遠，行左差唔多10分鐘，但嗰條街係有好多韓國食物，鍾意食韓國嘢可以去。個裝修就正正常常啦，唔會話超級特別，服務態度都OK。嗌咗個人蔘雞湯飯同埋牛骨湯蕎麥麵，人蔘雞湯飯好足料，但個人黎講，就唔算話好鍾意，如果冬天食或者想補身嘅話食都OK。本人就覺得普普通通啦，只係食咗少少，但隻雞真係煲得好淋，啲骨係一咬就碎晒。雖然個牛骨湯賣相好普通，亦都冇幾舊肉，比起人蔘雞湯啲料係好少，但係我反而超鍾意，佢清清地的牛骨味，攞嚟送飯真係一流，差唔多成碗都飲晒。整體而言就覺得都OK，唔算話超級好味，但就幾鍾意個牛骨湯。