KiKi麵店 (海之戀商場) (已結業)

最外面有個吧枱風景幾靚～煙燻無骨鳳爪唔算好重煙燻味，辣辣地。深海魚肚蟹肉羹拌麵本來以為配拌麵會怪怪的，但居然幾夾！蟹肉羹有啖啖蟹肉，份量唔孤寒，係我鍾意嘅口感，掛滿晒喺每一條麵條上。味道方面鹹鹹香香，幾香口，但又唔會覺得太飽太滯。蔥香鵝油雞拌麵鵝油比豬油同雞油健康一啲，賣相冇我想像中咁深色。仲以為會好重口味，但味道出奇地舒服～個人幾鍾意呢一款🤓酸脆土豆絲似平時醃蘿蔔，爽脆，酸酸地幾開胃。樽裝白桃烏龍淡淡茶香，少少似無糖茶，但多咗一份白桃香氣。最後食埋抹茶味嘅生乳銅鑼燒~