青花 (THE FOREST)

👍🏻泰式虎蝦金邊粉 $138虎蝦煎得好香，厚肉鮮甜，肉質就唔算好彈牙，但可接受幾鍾意金邊粉嘅調味，有少少茄汁味唔會太酸太甜太濃味，恰到好處金邊粉煙韌唔易斷，汁量剛好都算乾身好有鑊氣，又唔油膩👍🏻微微嘅酸甜，好開胃，自己清哂一碟無難度😆味道：9/10性價比：7/10-👍🏻馬薩拉香料牛肉咖喱 $128Masala咖喱香料味較重，豆蔻味道突出加上少少椰奶，質地好濃郁，微辣偏酸牛肉有醃過，食到香茅味，有少少筋但唔算韌雖然咖喱濃味但都隱約食到牛味蔬果配料都幾多，有薯仔、茄子、蓮藕、秋葵、同腰果整體味道夠濃，但又唔會好鹹，唔錯😙味道：8/10性價比：7/10-👍🏻油酥手抓薄餅 $52/3個比想像中大個！熱辣辣即整，上枱時脹卜卜，超級酥脆咬開裏面空心，可以放啲咖喱入去成個咬🤣味道：8/10性價比：7/10-👍🏻炭燒豬頸肉配酸辣青醬 $118燶邊脆口好有焦香，不過薄切偏瘦燒到啲油咇晒出嚟，所以食落會油膩啲啲個人幾鐘意個酸辣青醬，解一解膩😛好香芫荽蔥蒜味，酸酸辣辣，辣度都幾強，幾過癮不過豬頸肉本身已經落咗酸辣青醬，所以唔點汁食落都係辣辣地嘅唔食得辣嘅朋友可能落單個陣要講聲味道：7/10性價比：7/10-