皇茶冰室 (已結業)

荃灣一向都好多餐廳, 總係食極都食唔完, 今日經過依一間位於地鐵站只係五分鐘路程既冰室, 門口已經見到好乾淨, 裝修都有花少少心機, 今日我同老公兩位分別叫左瑤柱蛋白炒飯+ 鮮茄豬扒焗飯, 唻得冰室又點少得少埋紅豆冰! 先講下瑤柱蛋白炒蛋, 粒粒飯都炒得好乾身, 絕對冇痴住一舊舊, 瑤柱甜甜地, 推介！ 另外個焗豬扒, 未食一上枱已經覺得好靚仔！ 豬扒大大塊, 蕃茄好新鮮, 酸酸地好開胃, 唔覺唔覺可以食哂成盤, 最後試埋奶茶紅豆冰, 香既豆味加奶茶, 估唔到又幾夾啵！依家要搵一間冰室都難搵, 依一間仲要好味！推介！