Le Viet (已結業)

柚子海鮮沙律 $78以青木瓜沙律做底，通常呢隻沙律嘅醬汁都好易過酸同過甜，但呢到嘅醬汁調配得啱啱好，再加入柚子同海鮮，整體非常清新開胃。蒜蓉炒椰菜苗 $66Menu有好多款蔬菜揀選，但逢親見到有得揀椰菜苗我一定不作他選。椰菜苗經蒜蓉炒過特別香口，不過唔知係未唔當造，口感略嫌老身。越式火車頭酸辣鍋 $148第一次食越式酸辣鍋，睇相仲以為係類似冬陰公嗰種以唔同香料同醬汁調配出黎嘅湯底，一飲之下發覺好唔同，係蔬果嗰種酸甜，湯底以大量菠蘿、蕃茄同芽菜淆製，味道非常清新。面頭有”三牛”：牛肉、牛丸同牛柏葉，2個人share嘅份量唔算多，但淨係食配料都飽左一半。