炙秋 (已結業)

呢間小店見好多人最近都食，今日經過旺角就順便過嚟試吓啦。網上見到12點開舖，但12點嚟到都等咗成15分鐘佢先正式開舖，然後落單再等嘢食嘅時間都相對有少少耐。嗌咗炙秋卷，係有3件炙燒既壽司，炙燒同蛋黃醬好夾，3件都好好食。仲嗌咗炙燒三文魚，炙燒油甘鮮，炙燒左口魚，呢3款一樣都係幾好食。由於好鍾意食左口魚嘅關係，嗌咗兩件冇炙燒既，即刻食到唔係咁新鮮嘅感覺。其實我覺得呢間小店主推炙燒，燒過再加小小醬真係可以掩飾左本身刺身嘅不足，所以如果黎食炙燒既話好推介，其他就唔推介了。