醉江南

街坊小店！終於搵到一間好食嘅擔擔面！
湯底好香花生醬味！超級濃郁，少少微辣，我唔食得辣嘅，呢隻少少辣我接受到！覺得好好呀！上邊有少少肉碎，面身唔會好林有口感，夾埋一齊食好正！真係想成碗湯飲晒佢⋯

午餐包一個餐湯，今日係蕃茄蛋花湯！有蕃茄有蛋花，清清地酸酸地好開胃～份量都好足，就咁食碗麵都好飽！

4

午餐都係$45起包例湯，好抵食呀！
仲有獅子頭、上海粗炒、口水雞～都好似好正，下次要試吓先！青椒牛柳絲都好多人叫，炒出嚟好香～