尚蓮越泰餐廳

营业中

休息中

透過OPENRICE訂位, 餐廳環境時尚舒適, 座位唔會逼夾, 不錯。星期六沒有提供午市套餐選擇, 只有單點。我地叫左喇沙, 咖喱黃金蛋炒大頭蝦同🍹椰糖青桔柚子梳打。咖喱黃金蛋炒大頭蝦 - 唔係好多泰式餐廳都會做呢度菜, 我每次見到都會忍唔住嗌黎食, 因為呢款咖喱係我食過好多唔同餐廳出品就算係泰國食都係唔辣既, 啱曬我呢D鍾意食咖喱但又怕辣既人。咖喱汁香濃之餘仲混入左我最愛既🥚雞蛋, 呢道餸餐廳整得好好, 一D都唔油, 同白飯或者薄餅係絕配, 絕對可以食曬全部既咖喱汁。一碟有一隻大頭蝦開邊, 新鮮彈牙, 但略嫌蝦肉份量少左D, 適合獨食椰糖青桔柚子梳打 - 推介必飲, 酸酸甜甜好味, 味道唔假, 最重要係呢間餐廳叫一杯凍飲梳打, 佢地係比一整支梳打水你自己加落去, $36好抵。喇沙 - 我無食, 老公話好普通, 味道唔夠濃郁, 唔夠香料味, 加上我見湯底顏色偏淡, 應該椰汁落得太多。