上海婆婆 (已結業)

難得星期天冇咩野做, 所以又再一次黎到呢區, 逛下街, 順便搵下野食, 由於唔係好肚餓, 所以晚餐亦較為遲先開始, 不過咁樣有度好, 就係唔使等位, 避過一劫! 行左好耐, 左搵右搵, 最後都係揀左呢一間食店黎醫一醫五臟!行到埋去, 攞張飛仔, 係咁易等左一陣就有位, 一入到去見到地方唔算好大, 不過人就真係幾多, 於是即刻睇下有咩好食先! 兩個人商量左一陣之後就柯打左一客小籠包, 一客煎蝦餅, 醉雞, 一碗酸辣湯麵同埋一客三絲冷麵, 再加左兩杯特飲!先講下個小籠包, 小籠包一客有四隻, 個皮唔算好薄但亦唔算厚, 係可以接受, 而個餡就好正, 裡面有濃濃嘅湯, 非常搶口, 而餡料非常鬆軟, 好正; 煎蝦餅一客三隻, 唔好以為係越式嘅煎蝦餅, 其實佢比較似點心, 餅皮裡夾著蝦肉, 熱辣辣, 都幾好味; 醉雞嘅肉身都幾滑, 加上幾鬆, 不過花雕就幾重手, 變左比較苦, 扣d分; 酸辣湯麵真係酸酸辣辣, 味道唔錯, 唔會有d酸叔味, 而麵就唔算好彈牙, 唔似拉麵, 似伊麵多d, 不過一d都唔差喎, 可以啦; 而三絲冷麵嘅麵質比較硬身, 如果軟少少就更加好, 而麻醬撈麵都幾香, 口感唔黏, 可