山下見日式料理

山下見嘅嘢食選擇唔算少，當中一啲菜式亦喺同類餐廳中較為罕見，例如黑松露鯛魚薄切 ，鯛魚非常鮮甜，即使同味道重嘅黑松露一齊食都唔會完全失去魚味。

黑松露鯛魚薄切

常見嘅明太子玉子燒則驚為天人，玉子燒得非常軟嫩完全唔會過熟，每咬一口明太子同蛋汁就係口中爆發，非常滿足！

明太子玉子燒

明太子玉子燒

而係每日推介嘅十色刺身丼同燒牛柳粒便當都正評無伏，每款刺身都好新鮮，而燒牛柳粒則熟度剛好，加上香蒜粒惹味到停唔到口，就連便當小菜嘅中華沙律同腐皮都好食，推薦！

十色刺身丼

十色刺身丼

厚燒牛柳粒便當

山下見鋪仔細細人手唔多，但店員服務周到有禮貌，食物質素又高，就算要等都可以體諒啦！