驊記糕點屋

营业中

休息中

見好多媒體不斷話佢嘅糯米糍好好食爆多餡料，真係好想試一試！之前入元朗已經想試一試，但因為趕時間又見到長長嘅人龍已經打道回府！今日難得有時間機會黎喇，真係要試試！去到嗰下人龍都唔長，10個左右，咁就排一排！開頭條龍無郁過，隔左多過30分鐘先郁下。。。可能事前有嘢要準備同佢係即叫即整，我諗排左近一粒鐘先到我！食出名嘅嘢真係需要代價！到我喇！買左一盒花生糯米糍，$24一盒有6粒！摸上手有微暖，6大粒係個盒度！食落去的確好多餡，皮都好煙韌，係唔錯嘅，但未至於要排一個鐘！