尚香 (已結業)

旺角的廣華街出晒名又熱鬧又多美食，但係全部都係做外帶，無堂食的，呢個正正就係旺角的特色。一路行一路食確係別有一番風味，等下、行下、食下，好多時因為咁越行就買得越多野食， 成個鐘都未行出條街都唔係無可能架。食物選擇都好多，離遠見到有一間特別多人排隊的，行埋去一睇，哦，原來係食小籠包的。早前又係同呢個朋友去完上海過聖誕，喺當地品嚐左好多蟹粉美食，見到呢間舖頭有埋蟹粉喎，我地不約而同都話不如試下囉~~食物清一色一望個牌就睇晒，鮮肉小籠已經賣晒，我地叫左蟹黃湯包＋蟹黃小籠包各一客 。睇完啲小籠包一一籠又一籠新鮮蒸出黎，真係流晒口水。等左大約30 分鐘，終於有啦，熱辣辣，蟹黃湯包成個拳頭咁大，插支飲管落去，啲湯汁已經必緊出黎。湯包同小籠包都係有大量湯汁，但蟹粉份量唔算多，整體味道OK。