瑞士咖啡室 (裝修中)

係葵涌做完野，又係搵野食既時間！係工業區都唔會有太多選擇，加上唔係太熟路！見到瑞士咖啡室，記得之前食過其他分店都唔錯！去到餐廳嘅時候已經係2:00 ，已經開始下午茶時間，餐牌上面嘅食品都比正價時段平$10左右，包括埋飲品，仲有其他唔同嘅下午茶餐供應我哋分別叫咗一個菜遠牛肉飯同埋XO醬瑞士雞翼炒公仔麵菜遠牛肉飯個牛肉份量好多，整體味道都唔錯！至於XO醬瑞士雞翼炒公仔麵，用XO醬炒個味道幾香幾惹味，瑞士雞翼煮得夠入味，肉質唔會老！