翠亨邨 (利舞臺廣場) (已結業)

近一年都無嚟，媽咪話睇吓有無進步，結果，無進步，仲退咗步！
曾經令我們讚嘆的蜜汁叉燒已成歷史！完全無蜜糖味！雖然仍是梅頭靚豬肉，但因厚切，有點實，醬汁唔入味！$168完全唔值！
牛肉腸粉的皮像塑膠，沒有米氣，有點癡牙！
XO醬炒蘿蔔糕好味，炒得香，多蘿蔔，但所謂半份，約12粒，而且頗迷你，總量應少於三件。
紫菜雀肉卷賣相極差，排到東歪西斜，非圓條狀，頭頭尾尾都上碟，但味道不錯，炸得夠透。
其他食品，食材新鮮，但烹調則一般。
服務差咗，以前人手較充裕及較有禮貌。
由於質素一般，食到6成飽就算，以免中伏！