甜入心 (已結業)

尋晚真係攰到爆炸， 糖分指數向下，立即想起之前經過無數次都未幫襯的甜入心dessertissimo 今次一定要嚟甜番下。甜品店位置雖然偏離飲食區，但佢比較近玩具街同增輝小廚，所以搵甜入心都唔難。打開餐牌，發現原來選擇好多，搞到我花多眼亂，想食盡所有甜品。今次唯有先食一款紫許有你，我深深被個紫薯吸引，味道都好好，紫薯夠味，椰汁沙冰好香甜， 丸子及芋圓都好好食，真係好甜入心，真心不錯的甜品店。而同行嘅妹妹話想養生美顏，叫了椰皇燉鮮奶湯丸，喂呀～點解都咁好食架。甜品店仲好貼心，提供自助英式果茶，妹妹同我講晚上好多人排隊，好彩我哋嚟得早，暫時不用等位。沒錯~我哋8點嚟都已經高朋滿座， 已想像到排隊嘅人龍，甜品咁好味排隊也是值得的。