班蘭咖啡

营业中

休息中

佐敦呢間小店係上海街同寶靈街嘅Corner位， 只賣蛋糕甜點同飲品。佢同坊間不同之處，佢主要係賣班蘭製品。班蘭葉係用新鮮，並非如坊間添加人造色素同香精，所以佢嘅出品只係有淡淡的淺綠色同班蘭味。佢嘅班蘭戚風蛋糕，每次只焗製少量，一日會焗好幾轉。所以買到嘅都係即日新鮮熱辣出爐，攤凍之後再入袋。所以蛋糕口感特別彈牙鬆軟，有真正嘅班蘭味道同香味。比起新加坡名店絕對不相伯仲！另外仲試咗佢哋嘅黃金板栗班蘭卷。即使第二日先食，口感亦好鬆軟，栗子🌰味濃，同班蘭絕對係絕配。臨走前，見佢有班蘭咖啡，馬上order一試。由於班蘭汁係用新鮮班蘭葉即榨汁，本身有啲苦澀味，應該要求加多啲糖水先得。總括來說，絕對值得我哋經常幫襯！