九份茶舍 (已結業)

上次食嗰間喺百佳入面真係好唔掂，今次真係買九份茶舍，簡直係兩個層次！細細碗，三十七蚊，價錢貴左少少啦。個人覺得好足料，細細粒啡啡地色嗰啲我唔知叫咩名，甜過頭，但好有咬口。紅豆粒粒分明，唔係一團蓉嗰啲。芋圓好好食，係煙韌口感，啱啱好，不過份量就比較少。成碗糖水我覺得係偏甜左少少，如果淡返啲會好啲。整睇黎講係好食，值得一讚嘅係成碗都足料嘅，真係好食過甜品舖！價錢上真係高左啲，因為真係比較細碗。如果九份茶舍將來搞埋堂食，我諗都會好多人幫襯。