霸嗎拉麵 (已結業)

最近拉面店新热潮系港九新界都开咗分店嘅霸拉面，今日终于试到咁有霸气嘅拉面店。位于尖沙咀嘅霸吗拉面果然系人气急升，下午三点店舖门外大排长龙，不过见到条龙不断移动，都算几快有位，所以都决定排一排队试食。其实都只系等左15分钟就有位，人流几快！今日试咗佢哋镇店之宝—浓厚猪骨豚肉玉子拉面、辛辣柠檬豚肉拉面加玉子。再叫咗一份羽根烧饺子。店舖免费供应冻柠檬水，饺子上枱好吸引，一边煎得香脆微焦，食落去仲有肉汁。我𠮶本豚肉拉面到咗，先试下佢个汤底，味道浓郁，拉面爽口弹牙，面质真不错！再试个招牌豚肉，系慢煮厚切嘅猪腩肉，入口即溶，正！老婆果碗辛辣柠檬汤底味道好特别，酸酸辣辣，有啲似冬阴公嘅感觉！总括而言，咁多人排队，绝对唔系浪得虚名，无论面质、汤底及豚肉也是有质素嘅！