全記鮮菓

呢間全記鮮菓喺上環其實應該都好多人知，食完Lunch想飲下嘢又唔想飲咖啡或者珍珠奶茶之類，我會推薦大家買杯果汁飲下，起碼健康啲吖嘛！

今時今日，物價騰飛，20蚊一杯鮮搾果汁，其實真係好抵！呢杯鮮搾蘋果奇異果汁，係用咗2個蘋果加一個奇異果而搾成嘅，真係勁足料呀！ 一杯已經包含晒一日所需嘅vitamin C，又唔使一邊返工一邊咬住個蘋果！超級方便！

鮮榨蘋果奇異果

$20

其他飲品我睇都係 $15至 $30左右有交易，芒果汁最貴，可能來貨成本都貴！但老細話包甜，等我遲啲試下先！