Non Kitchen

营业中

休息中

今日同朋友仔探路又揾下观塘区D楼上工厦餐厅食下，因为好多都质素都唔错几抵食😋今次黎到NON KITCHEN，简单D唔想谂，直接叫个2人SET DINNER($548)方便D😆即系有凯撒沙律*2、是日餐汤*2、黑松露野菌意式烩饭、炭烧安格斯西冷牛扒、厨师精选甜品、冻柠茶*2餐包：送上时暖暖地，搽上牛油后餐包都几香又软熟，另一款面包条够脆身，一软一脆，2款都唔错👍🏻凯撒沙律：沙律菜爽脆，芝士同面包粒份量唔少，加埋一齐几开胃😋是日餐汤：今日系忌廉薯仔汤，虽然卖相简单，但饮落几香浓而且口感幼滑😄黑松露野菌意式烩饭：呢到个意式烩饭煮得恰到好处，唔会过硬或者太过淋，而且最紧要系煮得入晒味😋味道偏向浓味少少，但唔会太过浓而搞到过咸要成日饮水咁，野菌香味融入烩饭当中，味道浓郁丰富😋炭烧安格斯西冷牛扒：由于朋友比较怕太过生会多血水，所以今次叫左7成熟。西冷外层烧到D网纹好靓，而且好香炭烧味😍用上黑椒同盐作调味，肉味香浓非常惹味🤤不过我平时食开5成熟，其实肉质都唔错，相信ORDER 5成熟一定会更加正🤤厨师精选甜品：今日系雪糕泡芙，外层淋上朱古力酱，雪糕泡芙唔会雪到过硬，甜度适中，伴碟仲有D水果粒可以食下