坐忘

营业中

休息中

由于当时近粮尾，所以想揾间又平又好食嘅餐厅～经网民推荐，发现左呢间隐世小店好似唔错，于是前往试试到达餐厅嘅时候系6点45分左右，时间都仲算早，但门口已经有两三个人排紧队大约等左10分钟左右就有位入座。入到去点左个招牌日式猪软骨饭，个饭本身配左餐汤，而且仲有大量沙律伴碟饭嘅份量都唔少，一定够喂饱一个成年男人最感到意外系猪软骨超大旧！估唔到咁样先系67蚊！个猪软骨饭d汁唔系想像中嘅酸甜，而系似酱汁煮，所以食得多之后都会有少少腻猪软骨本身煮到好淋好入味，几出色个人觉得如果细食嘅，可以叫其他，因为真系冇可能食得晒另外，由于呢间餐厅非常受欢迎，所以繁忙时候有机会要搭枱坐。如果系想一边食一边倾计的话，就唔系几适合。