更多
2021-03-16
2361 浏览
2021年3月11日 星期四今日唔洗返工,所以晏昼专登去左老婆既公司揾佢,谂住俾个惊喜佢,兼且一齐去食lunch,最后我哋去咗观塘,因为谂住食完饭之后再去睇戏带咗老婆去呢一间餐厅食饭,其实之前都同我妈嚟过食晚餐,佢话性价比好高,食物有质素,赞不绝口咁,当然一定要带老婆黎试啦,不过今次就食lunch去到嘅时候已经过咗食饭时间,不过仍然好多人,需要等一阵位,大约10分钟左右就有位坐睇返餐牌发现午市同晚市嘅食物差唔多,都系有咁多种类,而且仲多左个午市餐牌添,价钱系观塘黎讲算好合理我哋每人叫左一份主食,之后再加几个小食左右,应该好足够先黎系我点既冻比利时朱古力,见到成杯份量都唔少,而且杯朱古力里面有好多朱古力粒,饮落去有双重朱古力味道,好香浓之后都有我叫嘅海鲜炒淮山面,之前从来冇食过淮山面,今次突然间系餐牌见到,所以想试吓,感觉好似健康啲食落去嘅时候同天线面既质感差唔多,面条弹牙又挂汁,海鲜同酱汁都几夹老婆就要咗番茄猪颈肉淮山面,我都忍唔住偷食咗几啖,因为佢个汤底系好浓郁嘅蕃茄汤底,饮落去几鲜甜,猪颈肉有咬口另外我哋加咗个脆香牛油鸡翼,真系炸得非常脆口,外皮充满牛油味,里面既鸡肉仍然保持嫩滑再
今日唔洗返工,所以晏昼专登去左老婆既公司揾佢,谂住俾个惊喜佢,兼且一齐去食lunch,最后我哋去咗观塘,因为谂住食完饭之后再去睇戏
带咗老婆去呢一间餐厅食饭,其实之前都同我妈嚟过食晚餐,佢话性价比好高,食物有质素,赞不绝口咁,当然一定要带老婆黎试啦,不过今次就食lunch
去到嘅时候已经过咗食饭时间,不过仍然好多人,需要等一阵位,大约10分钟左右就有位坐
睇返餐牌发现午市同晚市嘅食物差唔多,都系有咁多种类,而且仲多左个午市餐牌添,价钱系观塘黎讲算好合理
我哋每人叫左一份主食,之后再加几个小食左右,应该好足够
先黎系我点既冻比利时朱古力,见到成杯份量都唔少,而且杯朱古力里面有好多朱古力粒,饮落去有双重朱古力味道,好香浓
之后都有我叫嘅海鲜炒淮山面,之前从来冇食过淮山面,今次突然间系餐牌见到,所以想试吓,感觉好似健康啲
食落去嘅时候同天线面既质感差唔多,面条弹牙又挂汁,海鲜同酱汁都几夹
老婆就要咗番茄猪颈肉淮山面,我都忍唔住偷食咗几啖,因为佢个汤底系好浓郁嘅蕃茄汤底,饮落去几鲜甜,猪颈肉有咬口
另外我哋加咗个脆香牛油鸡翼,真系炸得非常脆口,外皮充满牛油味,里面既鸡肉仍然保持嫩滑
再黎当然唔少得有韩式炸鸡,今次要嘅味道系蜂蜜提子脆米炸鸡,原本以为会好甜,点知食落去可能因为有提子嘅关系,酸酸地中和返甜味,而且有脆米撒上外皮,所以咬落去脆上加脆,系几特别既配搭
最后仲有呢个打卡必备既吹胀水牛芝士牛肉野菌沙律,冇谂过最后先到,嚟嘅时候真系吓咗一跳,水牛芝士竟然可以变成咁嘅样,用刀一拮就已经漏返晒气出嚟,所以食之前一定要影好相先!!
味道方面都唔错,因为牛肉可以配搭水牛芝士一齐食,感觉会冇咁腻,再配合埋下面嘅野菌沙律,食完真系已经饱晒
冇谂过会有咁多食物,最后都食净少少要打包拎走,费事浪费
张贴