小火焰韓式咖啡廳 (觀點中心) (已結業)

呢間餐廳食韓國嘢真心抵食，連星期六日都有做lunch set，要平平地食好味韓國菜，呢度係一個好地方。甜薯咖哩磨菇雞翼飯 : 呢個咖哩飯lunchset只需要$62，仲包埋飲品，真係好抵食。 咖哩汁係改良左既日式咖哩，配飯一流，加左甜薯另有一番風味，配埋太陽蛋簡直額外加分! 釀雞翼煎到濃邊，非常惹味，配咖哩汁亦都係一絕。香芒炸雞沙律 : 平時食炸雞好少配沙律，原來炸雞配沙律菜係咁夾，感覺清新啲冇咁熱氣，加埋香芒仲好fresh ! 炸雞既甜辣醬取代沙律醬，令啲沙律菜更加好味。