黃金車仔麵 (已結業)

前日好熱唔想喺屋企煮，就去咗食車仔麵。四拼麵 $49 麵就揀咗幼麵，配四款餸：秘製辣魷魚、甜酸齋、滷水雞中翼同日式豬軟骨。醬汁就叫咗秘製沙嗲汁，食得辣可以叫蒜香麻辣汁。大約等咗十分鐘左右就有得食，最鍾意食佢嘅甜酸齋同秘製辣魷魚。甜酸齋好入味，辣魷魚好爽口，必食。下次可以試下其他餸。蘿蔔豬皮魚蛋 $30另外跟餐加咗個小食，開頭以為好細碗，點知係同車仔麵個碗一樣😂 有四大舊蘿蔔，蘿蔔冇渣幾清甜。豬皮好淋，魚蛋索晒咖哩汁，都幾彈牙。