澳門台山水佬榮火鍋專家 (已結業)

今日同屋企人去咗食水佬榮火鍋 平時好少夏天打邊爐 不過喺Facebook度見到個海鮮大雜燴火鍋 二百幾蚊好想去試吓 就打電話去book 因為打電話book嘅話就送一渣竹庶茅根個海鮮大雜燴真係超級大盤 我哋五個人食就叫咗五人份量 因為佢係續位續位計嘅 二百幾蚊一位埋單都係千幾蚊 除咗呢個大雜燴佢另外仲有配料包埋 可以自己揀 我哋揀咗萵筍 牛肉 午餐肉 等 我覺得真係好抵 佢個湯底真係超級好食 連豉油都唔使落 到最後食完個鍋我仲飲左兩碗湯添 淆左咁耐啲海鮮味出晒嚟 好好飲 最後想講埋佢哋啲海鮮真係好新鮮 個鍋除咗有海鮮都有菜蘿蔔粟米嗰啲 好正啊