香港人冰室

雖然係下午茶時間不過六點後冇堂食所以都係當晚餐咁食㗎喇，所以都叫了幾款小菜。

蝦仁炒滑蛋夠大碟，蛋夠滑又有蛋香，加咗蔥花食落特別香口，重點係選用咗大大隻蝦🦐簡直口感太爆發呀！

椒鹽鮮魷係避風塘feel，食落夠香脆又有鑊氣！咬開脆口咸香嘅外層，食到魷魚本身好新鮮，外邊爽脆中間軟心食落好味喎！送啤酒一流呀！

蜜椒薯仔牛柳勁好味，我鍾意佢黑椒汁得嚟食落係甜甜地加咗蜜糖，個薯仔又煮得夠林仲吸晒啲甜甜地嘅醬汁，超正囉！牛柳都ok 嘅，水準之作👍