蜀府川鍋

今日去左油塘開工，收工冇嘢做，就在油塘搵嘢食，經過這間食店，見到個海鮮蒸氣鍋套餐幾抵食，好，試下先。
這食店都幾方便，地鐵站落車行幾分鐘就到，方便快捷。入到去，地方都幾大，坐位闊落、舒適。
我們當然是叫了海鮮雙層蒸氣塔套餐啦！初初驚唔夠食，但原來份量好豐富。
先來蟲草花蒸雞，原來用蒸氣蒸雞，特別嫩滑，濃厚雞味。
海鮮來了，龍蝦、鮑魚大隻又新鮮，蒜蓉粉絲元貝，香味濃郁。沙巴龍躉，試下一半蒸，一半火鍋，原來各有特色，蒸的嫩滑鲜甜，火鍋的爽口，一樣好味。
最後仲有甜品芝麻綠茶芋茸餅，好飽，好豐富。