巴巴串 (已結業)

呢間餐廳雖然係工廈，但係都好大間，坐得好舒服，通風都好好，無限時咁任食，主打串燒，爽呀！佢地既串燒好多款，魚腐燒賣呢啲丸類都有，魚腐好軟綿綿，燒賣都幾有咬口，其他既魚蛋，墨魚丸，豬肉丸呢啲都係好爽彈，燒得又方便又快趣，最中意就係燒丸仔架啦😝肉類方面都有唔同既選擇，一般既牛豬雞都有，雞翼都有幾隻味，我最中意燒雞翼，呢度既雞翼肥嘟嘟夠晒大隻，燒到皮脆肉嫩岩岩熟咁食就最正，全部既肉都好新鮮😌海鮮呢度都有得燒，有我最愛既多春魚，條條都大大條，好多春，用枝簽串住放落果爐就會自轉，唔駛驚會好易燒燶，鮮味香口😙呢度仲有粟米春卷呢啲小食可以燒黎食，夠晒豐富，亦有其他食物飲品自取，一定夠飽呀😛