肉浦團火鍋放題 (已結業)

餐廳裝修好靚好特別，牆上有好多唔同嘅壁畫，加上五顏六色嘅櫈，顏色鮮艷豐富，令人覺得好快樂🤣🤣🤣一個價錢可以無限時任飲任食，仲有多款湯底可以揀，好抵！！店長推薦咗我哋揀特濃沙嗲湯，話係人氣之選😋😋😋餐廳野食主要分兩個部分，一方面可以qr code落單肉類、小食等，另一方面可以直接出去自己夾火鍋配料，配料望落新鮮同乾淨👍🏻👍🏻👍🏻仲有多款野飲可以揀~我哋肉類點咗M5和牛牛肩胛、薄切封門柳、安格斯牛背峰同安格斯牛板腱，牛肉好鮮嫩，油脂分布平均，牛味好出，唔錯！海鮮我哋點咗花蜆同虎蝦，花蜆已經煮熟，煲翻熱佢就食得，虎蝦推薦！好鮮甜，蝦肉結實，正！呢度仲有多款熟食，雞翼、咖喱魚蛋、薯角等，而且味道唔錯，食材新鮮，我哋重複點咗芋香地瓜球同紅糖糍粑🤣🤣🤣好好食，熱辣辣上枱，煙煙韌韌，做甜品一流！