康記菜館 (已結業)

入黎唔食海鮮，唔算入過長洲。叫左$168 二人套餐。包括任選兩種海鮮，一樣小菜及一個菜。1: 椒鹽瀨尿蝦-- 一上抬，估唔到咁大碟，雖然係bb瀨尿蝦，但瀨尿蝦好甜，出面個椒鹽又正，殼都食埋。正呀!!2: 西檸雞-- 呢個遜色左d，個人唔鍾意佢個炸粉，雖然有好多西檸汁係個蝶，但d雞無西檸味。3: 椒絲腐乳炒通菜-- 呢過菜又係超大碟，腐乳唔係好香，同埋多油左d。但都ok4: 蒜蓉蒸扇貝-- 扇貝唔大隻，但都好鮮，加埋蒜蓉及粉絲，吸晒d汁，’送’飯一流!!呢度服務都幾好，二人套餐其實三個食都得。D野食有夠熱。兩個人$168食海鮮，你仲想點？