白沙灣遊艇會

营业中

休息中

同朋友去出海影相，去咗白沙灣遊艇會食飽先出去，呢間會所餐廳原來已經超過50幾年歷史，有室內同埋戶外，露天座位可以望到遊艇同埋一望無際嘅海景，室內裝修比較舊，嗰日食食吓仲有少少水滴落嚟🤣呢度嘅食物價錢一啲都唔貴，而且食物質素不錯，又大碟，份量好足🤘🏻我哋三個叫咗三樣嘢食公司三文治 好大份，尤其是個薯角超級脆口，大大嚿原本諗住食吾晒，但係都忍唔住食晒啲薯條！仲有叫咗All day Breakfast 又係好大碟，我諗因為呢度多數都係外籍會員居多，所以西餐比較大碟，份量超級多，配料好足 ！另外叫咗個吞拿魚沙律諗住唔會好大碟，點知又係咁大碟，幾好味添！