瓊天 (已結業)

瓊天皇牌燉湯飯餐（$99）飯類有四款，配燉湯有五款選擇餐牌註明燉湯燉足8個鐘，非常足料**********招牌脫骨海南雞飯海南雞雞肉嫩滑，真係雞有雞味😂仲要係脫骨，食落啖啖肉，正👍🏻油飯好香，一粒粒，但唔會好油-醬香梅菜扣肉飯梅菜甜甜地、鹹鹹地撈飯食，讚👍🏻肥肉雖然有啲邪惡，肥瘦分明，好難抵擋得住…食落好腍，容易咬開，瘦肉唔會好鞋-燉湯細細嘅燉盅入面非常足料，飲得出絕無味精花膠螺頭桂圓湯湯加入桂圓、螺頭額外清甜，再加花膠就更加滋補，好啱女仔飲-花旗參鮑魚紅棗燉唐排花旗參益氣提神，令湯頭甘甜，但唔會甘到苦，紅棗同鮑魚都有滋陰嘅效用**********小食泰式鳳爪沙律（$32）酸辣適中，非常開胃鳳爪都係脫骨，餘下嘅筋同軟骨好有咬口-墨魚春卷🦑（$32）相信係自家製，利用春卷皮包住墨魚滑，墨魚滑入面仲有粒粒墨魚🦑，口感同出面嘅墨魚春卷好唔同**********套餐加$12，可以加配飲品/甜品飲品洛神花蘆薈梳打紅柚子蘆薈梳打兩杯梳打都係酸微微，再加一粒粒蘆薈有得咬下，透心涼-椰汁西米糕椰汁非常濃郁，再配上煙韌西米，為一餐晚餐寫上完美嘅句號可惜嘅係食唔到紫薯雪燕，希望下次早啲去可以食到