凱悅海南雞專門店 (已結業)

想食好味嘅海南雞飯一定要去元朗教育路既凱悅海南雞飯專門店。小店形式經營，店員服務有禮，上菜好快捷，外賣亦打包得好快。餐廳空間寬敞，坐得好舒服。首先送上紫菜湯無骨海南雞飯 $60海南雞完全起骨，食得好方便。雞肉整得好滑，食落一啲都唔鞋。雞皮好爽滑彈牙，另外雞味特別濃，可以係因為餐廳嘅雞肉係自設農場，用新鮮雞唔係用冰鮮雞，所以分別真係好大。油飯亦都係海南雞飯嘅靈魂，油飯濕度啱啱好，飯粒食落粒粒分明，味道都好好，所以唔會死咸。無骨口水雞飯 $62都係海南雞嘅升級版，加多個秘製嘅口水汁，好惹味，辣度唔算係太勁，應該唔食得太辣嘅都無問題。