泰廚泰國菜館

营业中

休息中

出面燒烤好香，見到好多人排隊，未食過所以抱住一試無妨心態來吃。餐廳老闆又幾有生意頭腦，又$1生蝦，又每日特價，唔怪得咁多人。等左一陣我地坐低左，環境有少少逼，連相都唔太想影。我哋叫咗一個大頭蝦冬陰公。冬陰公湯好濃郁，屬於少辣，分量有四小碗。大頭蝦好大隻，肉質結實！good。沙嗲雞/豬各一串，豬肉爽口彈牙，比雞肉好味。和牛串燒，肉質淋得來牛肉味濃，比雞肉和豬肉更好味。一蚊生蝦，有4隻，睇落唔算好靚仔，但係都新鮮嘅，肉質彈牙。美中不足係醬汁就唔夠辣。泰式木瓜沙律，好大碟，好濃味，鐘意食泰式辣嘅人一定鍾意。辣椒香葉肉碎炒飯，全晚最好食嘅一個菜。炒飯炒得好香，有辣椒、肉碎，味道非常好。