珍姐泰國菜館

营业中

休息中

呢間茶餐廳主打泰國菜，三個人幫襯叫咗個二人套餐，諗住唔夠先再奇加野，點知個二人餐超大份，三個人都飽飽。小食二選一，可以揀泰式香茅雞翼或者泰式炸蝦餅，我哋就揀咗炸蝦餅，一有兩件完整嘅，再切開一半，點太識甜酸醬。另一個小食就係泰式酸辣無骨鳳爪，其實都係只有少少辣，而且個辣味主要係來自啲生洋蔥。蔬菜又係二選一，可以揀唔辣嘅泰式炒雜菜，或者佢話辣嘅馬拉盞炒通菜，我哋就揀咗唔辣嘅炒雜菜，味道正常發揮啦。主菜可以揀泰式青咖哩雞或者紅咖哩鴨胸，因為唔想食鴨胸所以揀咗青咖哩雞，啲雞已雞髀肉為主，個青咖哩汁都幾好味。跟兩碗白飯同埋兩杯特飲，$280落樓，每人一百蚊都唔使，幾抵食。