Jariya Thai Food (已結業)

要食正嘅泰菜一定要入九龙城？系港岛东一样揾到平靓正嘅泰菜。尤其是午市真系好抵食，去开呢头不妨过黎试一试。环境 服务呢间Jariya Thai 嘅老细同伙记全部都系泰国人，店入面仲播住啲泰文歌，好有泰国feel ，墙上除左一啲泰式嘅艺术品之外，仲挂左啲好有趣嘅电影海报。清洁都ok，张枱唔算油。伙记服务好好，店员见我哋两个人一齐食会好主动咁俾两个碗我哋。冬阴功虾河粉好多香港嘅铺头都会将啲冬阴功嘅味变得港式，就冇左泰国嘅风味，不过呢碗冬阴功好抵赞，好够酸同辣，面头仲有好多香料。啲虾都算大只同埋已经拆晒俾大家。啲河粉系比平时香港食开嘅粗，但都好滑同埋软硬适中，有吸到啲汤。泰式炒金边粉金边粉炒得好香好惹味，虽然睇落好似好油咁，但佢炒得好干身。都唔算好咸，但美中不足就可能系配料唔算多，但都够你开心咁食完。香叶肉碎炒妈妈面 & 香叶肉碎饭香叶肉碎做得几似泰国食到嘅，但咸左少少，但配埋饭食同埋嘢饮整体不错，好啱下晏食，炒妈妈面其实就系炒公仔面，同样都系炒得几好，呢到就唔重复。虽然呢个都表现都唔错，但更加建议去试泰式金边粉。饮品午市包埋嘢饮，冻饮唔洗加钱，要左一杯冻泰式奶茶同埋冻泰式咖啡。唔算好特别，但