十侍 - 棉花糖A5和牛壽喜燒專門店

营业中

休息中

香港有唔同價位嘅壽喜燒專門店，又要抵食又要食到A5和牛唔係有好多間最近發掘咗旺角有間上樓嘅十侍壽喜燒專門店，主打高CP值鹿兒島A5和牛，於是試吓。我哋叫咗個二人壽喜燒套餐已經包咗6 塊A5最高級別鹿兒島和牛，蔬菜，烏冬等等，我哋兩個仲叫多個串燒拼盤及兩杯嘢飲。正常嘅就少都係用砂糖，但呢度竟然做上即製棉花糖代替砂糖，非常適合打卡。和牛壽喜燒配上蛋汁油香軟嫩，滋味無比，食完和牛之後嘅醬汁帶有牛油香氣用嚟煮蔬菜豆腐拼盤等等，醬汁香甜帶有蔬菜香氣，配上烏冬作為完美嘅句號。串燒拼盤方面亦是即叫即燒，最喜歡佢哋嘅人鮮冬菇及燒白鱔，鮮冬菇燒到入邊非常Juicy,白鱔新鮮，燒到白鱔嘅魚油都迫晒出嚟，令到外皮香脆。