更多
2020-11-09
1886 浏览
之前喺社交平台睇倒八幡屋嘅广告，只要经whatsapp订座，就可以有任食和牛海鲜火锅•刺身放题买一送一优惠，即系人均二百蚊倒有得打边炉同放题，都几抵食，优惠一至日同红日都用得，但就一定要7点前离座或者9点后入座，反正有年假要清，就约埋朋友黎食个中午放题。八幡屋除左哩个和牛海鲜火锅刺身放题套餐，佢仲有唔同价位嘅放题套餐，最平$68就有交易，所以即使系平日中午，都坐满左差唔多一半，大部份都系放左学嘅学生哥同唔洗返工嘅食客。而哩度嘅海鲜火锅放题有几个唔同价位，分别在于肉类款式，我地点左最贵嘅澳州和牛餐，原价$388，经whatsapp订枱有买一送一优惠，即系每位$194。汤底有八款拣，我地哩个番茄龙虾海鲜汤虽然要另外每位加$20，但里面有半只龙虾，真系好足料，番茄酸味突出之余亦饮倒淡淡龙虾味。火锅酱料可以喺自助吧拎，旁边仲有汤，要加汤亦可以自己拎。自助吧仲有火锅料，包括丸类、蔬菜、面同豆品，另外亦有寿司同甜品。至于其他火锅肉类，好似肥牛豚肉，同埋海鲜刺身烧物同炸物哩啲就可以scan QR code落单。野饮方面虽然冇韩牌饮料，但就多左啲平时少见嘅台湾牌子，就算系本地牌子都见倒有啲特别野饮，好
八幡屋除左哩个和牛海鲜火锅刺身放题套餐，佢仲有唔同价位嘅放题套餐，最平$68就有交易，所以即使系平日中午，都坐满左差唔多一半，大部份都系放左学嘅学生哥同唔洗返工嘅食客。
而哩度嘅海鲜火锅放题有几个唔同价位，分别在于肉类款式，我地点左最贵嘅澳州和牛餐，原价$388，经whatsapp订枱有买一送一优惠，即系每位$194。汤底有八款拣，我地哩个番茄龙虾海鲜汤虽然要另外每位加$20，但里面有半只龙虾，真系好足料，番茄酸味突出之余亦饮倒淡淡龙虾味。
29 浏览
1 赞好
0 留言
自助吧仲有火锅料，包括丸类、蔬菜、面同豆品，另外亦有寿司同甜品。至于其他火锅肉类，好似肥牛豚肉，同埋海鲜刺身烧物同炸物哩啲就可以scan QR code落单。
野饮方面虽然冇韩牌饮料，但就多左啲平时少见嘅台湾牌子，就算系本地牌子都见倒有啲特别野饮，好似橙味可乐同姜汁双柠，都算有heart。
食放题雪糕当然亦唔少得，虽然冇贵价牌子，但就有韩牌雪条同香港牌子雪糕Co Co Berry，口味仲几特别，好似有冲绳海盐、港式奶茶、牛奶糖同菠萝椰子。
趁汤底未滚，我地首先去拎野饮，拣左啲平时少见嘅款式。
哩只姜汁双柠其实冇乜姜味，低糖版有啲似冇咁甜嘅柠水咁。
刺身正常放题质素，有光泽得黎雪味亦唔重，其实我最钟意赤虾，比普通甜虾大几倍，虾肉亦比较爽口。
寿司系放喺自助吧，虽然所有食客要戴口罩先可以去自助吧拎野食，但都建议尽快拎左寿司先。寿司款式唔太多，但饭扼得都够实，唔会一夹就散，细细旧过下口瘾又唔会影响肚量。
海鲜一坐低侍应会先送黎一round，唔够喉可以再点。
和牛同样系一坐低侍应会先黎一份，之后可以再scan QR code落单。和牛虽然切得比较薄，但食落都几滑。
另外仲叫左美国肥牛、黑豚片同猪腩肉片，因为切得薄，所以渌几秒就食得。
唔同嘅丸每样都拎左啲，虽然唔系手打，不过有啲款式都几特别，好似有麻辣猪肉丸同黑松露丸咁，都真系食倒麻辣同黑松露味。
虾滑比想像中弹牙，不过留意数量1系大约乒乓波咁大嘅一人份量，如果钟意食嘅可以叫多少少。
蔬菜喺自助吧拎，食几多夹几多。
梅酒系Scan QR code点嘅，甜甜地几易入口，唔差得过出面居酒屋几多。
清酒点左数量1原来有一小枝，建议可以点一枝share，唔够再叫。平时唔太好清酒嘅我就觉得唔算易入口，冇梅酒咁好饮。
章鱼丸送到黎仲系热辣辣，加埋个章鱼丸酱甜甜地都几好食。
烧物每款要左啲试下，特别钟意个盐烧虎虾同汁烧鸡肉串，前者唔会太细只虾肉亦结实，后者唔会太干太鞋，甜甜地味道唔错。
几饱都要食埋雪糕雪条，Co Co Berry嘅雪糕出名口味特别之余味道亦做得似，哩三款口味各有特式，其中我最钟意海盐味，唔会太咸味道几清新。
雪条有三款，哩样朱古力冷条入面有爆炸糖，都几特别。
总结，野食系正常放题质素，虽然唔系咩贵价食材，但睇得出款式有用心思拣过，丸类野饮同甜品都有好多少见款式。经whatsapp订枱确系抵食，埋单每人二百几已经有海鲜火锅同刺身放题任饮任食，不过留意返加一系以原价计算。
张贴
