Pici

营业中

休息中

間餐廳主要都係食pasta為主咁另外有啲小食，佢有個套餐係兩個人叫套餐就可以選2個小食再加3個pasta，再送多2個甜品。有部分小食或者pasta係要加錢嘅。間餐廳有兩層，地下嗰層就比較逼，都係係吧台為主，上面嗰層就係比較大嘅枱有梳化位。咁我就選擇上層。餐包方面就比較普通，都係啲硬包為主咁就唔多評論。小食方面我就叫咗個肉丸同埋青口。肉丸有三粒都幾大舊咁個味道係ok嘅咁但啲肉比較乾身。青口就覺得十分好食。pasta方面叫咗三個，叫咗個牛肉千層，黑松露意粉，同埋卡邦尼意大利雲吞。牛肉千層麵味道唔錯但係就比較淋同散。黑松露意粉味道十分好，意粉有彈性。卡邦尼意大利雲吞個味道都唔錯但係要強調佢並唔係傳統嘅卡邦尼因為佢落咗cream。份量都算充足。最後甜品揀咗tiramisu同奶凍，味道就average。最後總結間餐廳個環境係唔錯嘅，服務亦都十分好，食物嘅水準亦都係中上，但菜單上食物嘅選擇就比較少。