龍悅 (已結業)

一家五口出外晚飯，父親提議到沙角龍悦，呢間酒樓晚飯就未试過，今次去完之後感覺抵食之餘，咁既價錢有呢啲質素真係有驚喜，大約晚上七點去到不需等位，直接安排入坐，坐得舒適，本來打算叫四人餐，又怕食唔晒，呢間酒樓仲做緊如果有滙豐信用咭有打折真係叫得過，因為我全家冇呢銀行信用咭，再選，見呢個咭龍躉双味推介拼燒鵝，二百幾蚊幾吸引，再叫多个一字骨，汁好味又多肉，燒鵝汁多又唔靭，三个白飯，唔係一般靚仔，係蒸盅头飯，又大夠食，上菜又快，餸菜又有心思，份量很足同味道也不錯，埋單都係四百元，食完全家人都贊!