見到深水埗新開咗鐵板燒 決定過嚟試一試🤍
今日同朋友兩個人就試餐廳人氣嘅烏海山鐵板餐🥰 睇餐單已經覺得好豐富！
11
首先就嚟咗個沙律前菜 配埋個沙律汁係好開胃👍🏻 之後就係個刺身 啲刺身都幾新鮮 一共有四款 職員都有提我哋食嘅先後次序 令到個口感更加好🤩 個人最愛就係油甘魚 口感好而且亦都好新鮮！
之後就係鐵板燒嘅鮑魚！師傅將鮑魚煎得好香 表皮係有少少焦脆 令到口感更加有層次🥰
之後就係鐵板燒套餐嘅主菜龍蝦😍 師傅加咗特別嘅醬汁同龍蝦一齊煎 令到龍蝦嘅鮮味更加突出！龍蝦好大條 肉質都好厚實😆
之後就係鵝肝多士！ 鵝肝係超級大塊超厚😍 師傅將鵝肝煎得好香 鵝肝嘅油香味啱啱好同多士中和 令到鵝肝味道更加出 ～
之後嘅牛肉薄燒都好唔錯 牛肉嘅熟度啱啱好
火候控制得好好👍🏻 師傅喺牛肉中間加咗啲配料令到口感加重層次
最後就係炒飯、味噌湯、同埋炒野菜
味道都一啲都唔馬虎～加埋個甜品就啱啱好
呢間新開嘅鐵板燒味道好 環境乾淨 而且價錢都幾實惠$1198已經係兩位嘅價錢💙 連埋加一大概$1400 抵食！
