影片
更多
2023-01-25
27 浏览
餐廳位於上環橫街，裏面裝修好有正宗日式居酒屋🏮嘅感覺，細細間咁，但座位闊落，坐得都幾舒服！餐廳主打石燒和牛套裝，有唔同黑毛和牛嘅部位可以選擇，揀好之後可以加$38轉套餐，包日式雜菜沙律、白飯同蜆湯；加$48就包日式雜菜沙律、月見蛋紫菜飯、蜆湯同汽水，都可以半價轉成特飲，又抵又飽肚！如果嫌唔夠肉嘅話，仲可以半價追加半份肉！------------------------------🐂◖ 蒜香A4黑毛和牛他他 ◗ $88呢度竟然有和牛他他，生嘅牛肉撈埋蛋漿同醬汁，落埋蒜蓉，味道好有層次仲可以癖一癖啲油膩感！口感有啲似刺身，比較軟腍，食落鮮得黎又唔會有腥味！🍢◖ 牛舌兩食 ◗ $128呢個套餐有葱燒薄切牛舌同厚切牛舌心條，一次過試晒兩種牛舌部位！薄切牛舌好爽脆；牛舌心比較多肉有口感，會韌少少～🥩◖ 厚切A4黑毛和牛三角腩 ◗ $168油脂分布極度平均，厚切嘅三角腩，燒到外層焦香香脆，咬落去啖啖肉好滿足，啲牛油會滲出黎，牛味超級濃郁！🥘◖ 極上薄燒A4黑毛和牛西冷 ◗ $198呢款係平時食壽喜燒嗰種厚薄度，放上石板面反幾下就食得，脂肪好夠好香，口感滑溜，點埋燒肉汁食好正！🍱◖ 御膳套餐set
------------------------------
🐂◖ 蒜香A4黑毛和牛他他 ◗ $88
呢度竟然有和牛他他，生嘅牛肉撈埋蛋漿同醬汁，落埋蒜蓉，味道好有層次仲可以癖一癖啲油膩感！口感有啲似刺身，比較軟腍，食落鮮得黎又唔會有腥味！
🍢◖ 牛舌兩食 ◗ $128
呢個套餐有葱燒薄切牛舌同厚切牛舌心條，一次過試晒兩種牛舌部位！薄切牛舌好爽脆；牛舌心比較多肉有口感，會韌少少～
🥩◖ 厚切A4黑毛和牛三角腩 ◗ $168
油脂分布極度平均，厚切嘅三角腩，燒到外層焦香香脆，咬落去啖啖肉好滿足，啲牛油會滲出黎，牛味超級濃郁！
🥘◖ 極上薄燒A4黑毛和牛西冷 ◗ $198
呢款係平時食壽喜燒嗰種厚薄度，放上石板面反幾下就食得，脂肪好夠好香，口感滑溜，點埋燒肉汁食好正！
🍱◖ 御膳套餐set ◗ +$48
跟咗日式雜菜沙律、月見蛋紫菜飯、蜆湯同汽水，組成一個一人套餐！日式沙律落咗醋，好醒胃；蜆湯有海大同兩粒大蜆，鮮味十足；紫菜飯食之前要撈埋啲蛋漿同紫菜，飯粒好有咬口，淋咗少少醬油，每粒米都均勻沾上醬汁，好香好滑！
🗻◖ 富士山特飲 ◗ $36
波子汽水底，加咗⼀層好厚嘅foam，飲落微甜夠凍！
🥃◖ 日式威士忌梅酒西柚特飲 ◗ $56
威士忌溝梅酒呢個組合第一次試，味道又幾夾！威士忌中和咗梅酒嘅甜味，飲落唔會太甜，帶少少酸味同酒香，食燒肉飲佢係幾正！
🌟Encore指數：9/10
张贴
