時代冰室 (崇齡街) (已結業)

腦細請食下午茶餐，前幾天walk in 往下單買左9份tea set😂。送上公司大樓，先講服務準時3點半到達。用兩個大紙袋重疊放入，每份餐都有獨立盒，食物我地9人叫左生炸雞肶，超大隻，同事講又好食又大隻又飽肚。厚切蛋治，西多士，熱狗，炸雞翼，雞翼內外入味送到來微熱但keep到脆，西多士真係特別好味，好厚身，包咬落去有彈性及鬆軟。中間有花生醬薄薄的不會過多。餐到後，我地派餐時發現少左杯涷奶茶，打電話到餐廳，本來打算知會便算，老闆都預左冇得補要去退錢煩，估吾到服務勁好，職員叫同事送返杯上公司，快到呢同一個職員，6分鐘就到，公司距離只少要行10至15分鐘。呢個真係要讚。日後都會再叫