雲貴風正宗雲南米線 (已結業)

食物有時候，除左好味之外，其中一個好重要ge原素就係，爽！要點樣先為之爽呢？大碗！多料！濃味！刺激！呢個就係我ge定義！每逢心情唔好，又或者好攰，食完呢碗米線必定回魂。豬腸豬耳大辣小鍋米線味道夠酸夠辣夠濃味！又夠大碗！豬大腸好入味，洗得好乾淨，又燜到好淋身，超欣賞！豬耳夠爽夠入味，咬落口架架聲，超正！另外加多左一盤豬大腸同滷水豬手。豬大腸唔使講，一樣水準。滷水豬手大大件有成六七件，又淋又入味！而且亦無咩毛，算好乾淨！