魚米家魚湯米線 (已結業)

受疫情影响，而家外卖自取七折。拣左汤面套餐（$53），招牌鱼腐猪软骨鱼汤米线，仲可选一款小食同埋饮品，七折后$37咋。外卖自取最着重保温同保质，拎到番去十分钟左右个汤仲热嘅，面同汤分开上，确保个面唔会变淋。俾左折扣，但𩠌方面冇少到，仲有五件鱼腐，猪软骨仲腍到就黎冇牙嘅都食到😆。小食有鱼皮，炆冬菇，生菜同鱼汤萝卜供选择，最后我拣左生菜，以套餐呢个价钱黎讲份量都算多。杯奶茶就正常啦，都系𠮶句，呢个价钱就唔会太多要求了。